Infurmaziuns giuridicas
Dretgs d’autur ed auters dretgs
Dretgs d’autur ed ils auters dretgs a la pagina d’internet edk.ch ha la CDEP.
Ils cuntegns da questa pagina d’internet vegnan rendids accessibels a la publicitad. Cun chargiar giu u cun copiar cuntegns na vegnan transferids nagins dretgs. Tut ils dretgs restan tar las possessuras ed ils possessurs respectivs dals dretgs.
Per mintga reproducziun e diffusiun da cuntegns, sto da princip vegnir dumandà il consentiment en scrit da la CDEP.
Tut ils cuntegns en il format PDF che stattan a disposiziun sin nossa pagina d’internet per chargiar giu, èn publitgads sin il server da documents edudoc.ch. Quests cuntegns dastgan vegnir chargiads giu e tratgs a niz da las utilisadras e dals utilisaders exclusivamain per l’agen diever, per intents da perscrutaziun u per ademplir obligaziuns professiunalas.
Igl è permess da citar ord cuntegns, sche la funtauna vegn inditgada correctamain.
Per dumondas davart l’utilisaziun dals cuntegns che stattan a disposiziun sin questa pagina d’internet u per autras dumondas (p.ex. consentiment en scrit per la reproducziun e per la diffusiun da cuntegns), ans contactai sut edk@edk.ch.
Paginas d’internet da terzas persunas
Las utilisadras ed ils utilisaders che accedan ed utiliseschan paginas d’internet da terzas persunas, a las qualas i vegn renvià u las qualas èn colliadas cun in link, fan quai sin agen ristg.
La CDEP declera explicitamain, ch’ella n’ha nagina influenza sin la concepziun e sin il cuntegn da paginas d’internet da terzas persunas.
Exclusiun da la responsabladad
Ils cuntegns da questa pagina d’internet vegnan actualisads e controllads permanentamain. Tuttina na po la CDEP betg surpigliar la responsabladad per lur actualitad, cumplettadad e correctadad. Per donns che resultan da l’access a nossa pagina d’internet u da l’utilisaziun da cuntegns publitgads sin nossa pagina d’internet pervia d’abus da la colliaziun u pervia da disturbis tecnics, na surpiglia la CDEP nagina responsabladad.
La responsabladad per paginas d’internet da terzs han las interpresas ed organisaziuns respectivas. Ina responsabladad da la CDEP per paginas d’internet da terzs è exclusa.
Diever d’intelligenza artifiziala
Ils cuntegns da questa pagina d’internet sa basan sin l’expertisa da collavuraturas e collavuraturs interns ed externs ed en concepids d’umans. En tscherts puncts vegnan integrads sistems dad IA en il process da lavur. Ils cuntegns ch’èn vegnids creads dad IA e surpigliads directamain, èn declerads sco tals. Cun IA vegni lavurà resguardond severamain la protecziun da datas sco er il dretg persunal ed il dretg d’autur.
Medias socialas
Dapi il 2023 è la CDEP preschenta sin LinkedIn. Cun in bun mix da contribuziuns da texts e da fotografias, d’istorgias, d’events e d’occurrenzas d’interpresas, d’enquistas, da contribuziuns da video e d’inserats da plazzas vul la CDEP proveder e divertir la glieud da professiun dal sectur da furmaziun, e quai cun cuntegns captivants e prezius.
Sur quest chanal piglia la CDEP gugent encunter er critica, laud e propostas da tut gener. Resguardai, che la CDEP stizza cuntegns e commentaris che na correspundan betg a las reglas uffizialas da la communitad da LinkedIn. Betg toleradas na vegnan particularmain contribuziuns
- ch’èn maldeschentas, obscenas u pornograficas, smanatschantas, discriminantas, rassisticas, offendentas, che mainan en errur u ch’èn illegalas
- che instigeschan da duvrar violenza
- che cuntrafan als dretgs d’autur, als dretgs persunals u ad auters dretgs da terzas persunas ubain
- che cuntegnan reclama per products da terzas persunas.
Tgi che cuntrafa gravantamain u repetidamain a questas reglas, vegn exclus da l’ulteriura utilisaziun.
Decleraziun davart la protecziun da datas CDEP
Cun questa decleraziun davart la protecziun da datas infurmain nus, tgeninas datas persunalas che vegnan elavuradas en connex cun tut las paginas d’internet da la CDEP sut la domena «edk.ch» (qua sutvart pagina d’internet). Las datas persunalas vegnan adina elavuradas confurm a las prescripziuns legalas davart la protecziun da datas.
1. Adressa da contact
Responsabla en il senn da la lescha è la:
Conferenza da las directuras e dals directurs chantunals da l’educaziun publica (CDEP)
Secretariat general da la CDEP
+41 31 309 51 11
edk@edk.ch
2. Registrar ed arcunar datas persunalas sco er gener ed intent da lur utilisaziun
Nus elavurain las datas persunalas ch’èn necessarias per metter a disposiziun nossa pagina e noss servetschs d’internet en moda duraivla, simpla d’utilisar, segira e fidada.
Nus elavurain las datas persunalas durant la perioda ch’è mintgamai necessaria per l’intent respectiv u tenor lescha. Las datas persunalas, da las qualas l’elavuraziun n’è betg pli necessaria, vegnan anonimisadas u stizzadas.
Nus elavurain las datas persunalas da princip mo, sche la persuna pertutgada ha dà ses consentiment, nun che l’elavuraziun saja permessa per auters motivs giuridics.
En quest rom elavurain nus en spezial las indicaziuns che la persuna pertutgada ans transmetta voluntarmain cura ch’ella entra en contact cun nus u cura ch’ella creescha in conto d’utilisaziun.
a. Cun visitar la pagina d’internet
chaschun da la consultaziun da nossa pagina d’internet trametta il browser da Voss apparat final automaticamain infurmaziuns al server da nossa pagina d’internet. Questas infurmaziuns vegnan arcunadas temporarmain en ina datoteca da protocol. Senza che Vus stoppias far insatge vegnan las infurmaziuns qua sutvart registradas ed arcunadas fin ch’ellas vegnan stizzadas automaticamain:
- adressa IP dal computer supplitgant;
- data ed ura da l’access;
- num ed URL da la datoteca consultada;
- pagina d’internet, da la quala ha lieu l’access (URL da referenza)
- browser utilisà ed ev. il sistem operativ da Voss computer sco er il num da Voss provider d’access.
DLas datas menziunadas elavurain nus per ils suandants intents:
- garantir il stabiliment d’ina buna colliaziun da nossa pagina d’internet;
- garantir in’utilisaziun confortabla da nossa pagina d’internet;
- evaluar la segirezza e la stabilitad dal sistem;
- per auters intents administrativs.
En nagin cas n’utilisain nus las datas registradas per far colliaziuns cun Vossa persuna. Ultra da quai duvrain nus cookies (cifra 4 qua sutvart) sco er servetschs d’analisa (cifra 5 qua sutvart) per la consultaziun da nossa pagina d’internet.
b. Cun entrar en contact
Las datas che Vus inditgais cun entrar en contact (p.ex. prenum, num, adressa dad e-mail, messadi), vegnan registradas ed utilisadas mo per l’intent inditgà (p.ex. per la resposta a dumondas).
c. Cun annunziar per la newsletter
Sche Vus vulais abunar nossa newsletter, stuais Vus far las suandantas indicaziuns:
- prenum
- num
- adressa dad e-mail.
Sco opziun pudais Vus plinavant inditgar il num da Vossa organisaziun sco er selecziunar tranter las linguas tudestg u franzos.
3. Transmissiun da datas
Vossas datas persunalas na vegnan betg transmessas a terzs, p.ex. a servetschs dad IT externs che garanteschan il manaschi tecnic da la pagina d’internet, cun auters intents che quels menziunads qua sutvart. Vossas datas persunalas vegnan mo dadas vinavant a terzs, sche:
- Vus avais dà Voss consentiment expressiv per quai;
- quai è necessari per far valair, exequir u defender dretgs e sch’i na dat nagin motiv da supponer, che Vus hajas in interess degn da protecziun predominant da betg dar vinavant Vossas datas;
- igl exista in’obligaziun legala da transmetter las datas;
- quai è admess tenor lescha e sche quai è necessari per exequir nossa relaziun da contract cun Vus.
Quests terzs èn da princip domiciliads en Svizra sco er en il Spazi economic europeic (SEE), pon dentant er exister en auters stadis e pajais, premess ch’ina protecziun da datas commensurada saja garantida. Excepziunalmain po in tal terz exister en in pajais senza protecziun da datas commensurada, premess ch’i sajan ademplidas las premissas dal dretg davart la protecziun da datas, sco per exempel il consentiment expressiv da la persuna pertutgada.
4. Cookies
Sin nossa pagina d’internet duvrain nus ils cookies ch’èn necessaris per ch’ella funcziuneschia. En noss sistems na pon quests cookies betg vegnir deactivads e n’èn betg persunalisads. Els èn pitschnas datotecas da text, che Voss browser creescha automaticamain e che vegnan arcunadas sin Voss apparat final (laptop, tablet, smartphone e.u.v.), cura che Vus consultais nossa pagina d’internet. Grazia al diever da cookies daventa l’utilisaziun da nossa pagina d’internet pli simpla e pli segira.
En il cookie èn depositadas infurmaziuns che resultan mintgamai en connex cun l’apparat final specific che vegn duvrà. Ma quai na signifitga betg, che nus essan uschia infurmads directamain davart Vossa identitad.
Da tut temp pudais Vus deactivar u stizzar cumplettamain u parzialmain ils cookies en las configuraziuns da Voss browser. Resguardai dentant, che – senza cookies – na stat nossa pagina d’internet eventualmain betg pli a disposiziun en sia entira dimensiun.
5. Servetschs da terzs
Nus utilisain servetschs da terzs per pudair metter a disposiziun la pagina ed ils servetschs d’internet en moda duraivla, simpla d’utilisar, segira e fidada. Quests servetschs permettan er d’integrar cuntegns en nossa pagina d’internet. Quests servetschs, sco per exempel servetschs da hosting e d’arcunaziun, dovran Vossa adressa IP (internet protocol), perquai ch’els na pon uschiglio betg transmetter ils cuntegns correspundents. Tals servetschs pon esser domiciliads ordaifer la Svizra ed il Spazi economic europeic (SEE) (p.ex. en ils Stadis Unids), premess ch’ina protecziun da datas commensurada saja garantida.
a. Matomo
Datas, meds d’infurmaziun e da communicaziun (computer, tablet, telefonin, browser e.u.v.) vegnan transmess, registrads ed elavurads automaticamain cura che la pagina d’internet vegn consultada. Els vegnan tractads en furma anonimisada tras il tool per l’analisa-web Matomo, uschia ch’igl è exclus da far colliaziuns cun Vossa persuna. Tranter auter vegnan arcunadas las suandantas datas:
- data, lieu ed ura da l’access a la pagina d’internet;
- tip, versiun e configuraziun linguistica da la software da visualisaziun (browser) e dal sistem operativ duvrà;
- grondezza da la preschentaziun da l’apparat da visualisaziun (computer, tablet, telefonin e.u.v.) duvrà;
- adressa IP da l’apparat final duvrà resp. da l’access a l’internet en furma anonimisada.
b. Vimeo
Nossa pagina d’internet utilisescha plugins dal portal da video Vimeo, quai per pudair integrar e mussar videos. La purschidra è Vimeo.com, Inc., ina interpresa cun sedia en ils Stadis Unids. Perquai pon las datas persunalas vegnir transmessas en ils Stadis Unids. Cun consultar ina pagina, nua ch’in video Vimeo è integrà, vegn stabilida ina colliaziun cun ils servers da Vimeo ed i vegnan transmessas oravant tut Vossa adressa IP e las datas tecnicas d’utilisaziun. Sche Vus essas annunziada u annunzià tar Vimeo, po la consultaziun da nossa pagina d’internet vegnir attribuida a Voss conto d’utilisaziun. Ulteriuras infurmaziuns chattais Vus en la decleraziun da Vimeo davart la protecziun da datas sut https://vimeo.com/legal/terms/de/datenschutz/policy.
c. Raits socialas
Sin nossa pagina d’internet duvrain nus cumponentas da la rait LinkedIn. LinkedIn è in servetsch da la LinkedIn Corporation, 2029 Stierlin Court, Mountain View, CA 94043, USA. Tar mintga singula consultaziun da nossa pagina d’internet, ch’è munida cun ina tala cumponenta, procura questa cumponenta, ch’il browser che Vus duvrais, chargia ina preschentaziun correspundenta da la cumponenta giu da LinkedIn.
Tras quest proceder survegn LinkedIn l’infurmaziun, tge pagina concreta da nossa preschientscha en l’internet, che vegn gist consultada. Sche Vus cliccais sin il buttun da recumandaziun da LinkedIn entant che Vus essas annunziada u annunzià en Voss account da LinkedIn, pudais Vus stabilir in link als cuntegns da nossas paginas sin Voss profil da LinkedIn. Tras quai è LinkedIn en il cas d’attribuir la consultaziun da nossas paginas a Voss conto d’utilisaziun da LinkedIn.
Nus na pudain influenzar ni las datas che LinkedIn relevescha uschia, ni la dimensiun da questas datas relevadas tras LinkedIn. Nus n’enconuschain er betg il cuntegn da las datas transferidas a LinkedIn. Detagls davart la relevaziun da datas tras LinkedIn sco er davart Voss dretgs e Vossas pussaivladads da regular ils parameters, chattais Vus en las decleraziuns da LinkedIn davart la protecziun da datas. Questas infurmaziuns chattais Vus sut https://www.linkedin.com/legal/privacy-policy.
6. Renviar a paginas d’internet da terzs
I na dat nagina infurmaziun separada, cura che nossa pagina d’internet vegn bandunada. Sch’i vegn renvià a paginas d’internet da terzs, ston vegnir resguardadas las decleraziuns davart la protecziun da datas da las interpresas ed organisaziuns respectivas.
7. Dretgs da las persunas pertutgadas
Vus avais il dretg da pretender gratuitamain da tut temp infurmaziuns davart las datas persunalas che As pertutgan. As drizzai per quest intent al post numnà en l’adressa da contact. Ulteriurs dretgs, sco il dretg da stizzar, da rectifitgar, da restrenscher l’elavuraziun da las datas sco er da transmetter las datas, valan en il rom legal prescrit.
La registraziun da las datas che servan per metter a disposiziun la pagina d’internet e per arcunar las datas en datotecas da protocol, è urgentamain necessaria per che nossa pagina d’internet funcziuneschia. En quest reguard n’han las utilisadras ed ils utilisaders da nossa pagina d’internet nagin dretg da far opposiziun.
8. Segirezza da las datas
Durant la consultaziun da la pagina d’internet utilisain nus l’enconuschenta procedura SSL/TLS (secure socket layers resp. transport layer security) en cumbinaziun cun il stgalim da codaziun mintgamai il pli aut che vegn sustegnì da Voss browser.
Ultra da quai applitgain nus mesiras da segirezza adattadas areguard la tecnica e l’organisaziun, per proteger Vossas datas cunter manipulaziuns casualas u intenziunadas, cunter la perdita parziala u totala da las datas, cunter la destrucziun u cunter l’access nunautorisà da terzs. Nossas mesiras da segirezza vegnan adattadas permanentamain al svilup tecnologic.
9. Actualitad e midada da questa decleraziun davart la protecziun da datas
Pervia da l’ulteriur svilup da nossa pagina d’internet u da noss servetschs d’internet sin la rait ubain pervia da la midada da tschertas prescripziuns legalas u uffizialas, poi daventar necessari d’adattar questa decleraziun davart la protecziun da datas.
La decleraziun davart la protecziun da datas la pli actuala po vegnir chargiada giu e stampada da tut temp sin nossa pagina d’internet sut www.edk.ch. Decisiva è mintgamai la versiun tudestga.
La versiun actualmain valaivla da la decleraziun davart la protecziun da datas è quella dal avrigl 2026.